Naghihintay ng Mamaya

Gutom na ako…

Dalawa't kalahating oras pa ang titiisin ko bago ako makalabas sa trabaho. Marami tuloy pumapasok sa isip ko. May mga bagay na sumusulpot sa buhay na hindi inaasahan. We'll never know what's next and who's next.

Mahalagang malaman ng isang tao kung sino ang dapat niyang pakinggan at kung saan niya ilulugar ang sarili niya. Sabi nga ni Bro. Daniel, alam mo lang kung saan mo ilulugar ang sarili mo, tao ka na. Kaya sa mga nakaalam ng tamang lugar para sa kanilang sarili, congratulations sa inyo, isa na kayong tao.

Sa trabaho lang, meron kang dapat kalagyan. Kung empleyado ka hindi ka dapat magmarunong at mag-amo-amohan. For sure kinabukasan o sa makalawa (kung bibigyan ka pa ng chance) kick-out ka na. Sa pamilya ganun din, kung bunso ka (gaya ko) di ka dapat mas siga pa sa panganay. Importante ang pagkilala sa hierarchy.

Bakit nga ba punong-puno ang isip ko nito? Siguro isang dahilan ay gutom na ako at bored sa kahihintay ng oras. Katunayan, mabilis akong naka-compose ng tula na agad kong ipi-nost sa kaanib.net, na inaasahan kong ipa-publish nila bukas kung loloobin. Heto at ipapabasa ko sa inyo…

Sulong, Mga Kapatid!

 

Di tanaw ang bukas

Nguni't mapipili ang wakas

Kapangyariha'y nasa atin

Pumili ng mabuti't magaling

Sumulong, huwag umurong

 

Aral ay gabay

Mangangaral umaakay

Espiritu'y gabay

Dios umaalalay

Pagka pa nga tayo'y sumablay

Kasalanan nating tunay

 

Takbuhin nating matulin

Panaho'y huwag ibinbin

Buhay man ay bawiin

Tiyak kaligtasan natin

 

Oras nga ngayon

Pagsunod at di pagtutol

Pagkakaisa at di pagkakabaha-bahagi

Kapatid, ika'y magmasid

Isipa'y huwag ipinid

Layunin nati'y iisa

Bakit pa nga ika'y lalaban pa?

Mangangaral at aral na ating nakilala?

Magpapakataas at di uunawa?

Di ba't iisang Dios ating pinaglilingkuran?

At hangad mo rin ang kaligtasan?

Nasaan iyong paninindigan?

 

Sa iisang aral, tayo'y tinipon

Takbuhin ang ngayo't limutin ang kahapon

Tayo'y magkaisa, aral ating nakilala

Huwag na ngang mag-alinlangan pa

Sa Dios tayo'y kumilala

 

…pinklady (08.14.07 / 12:42pm UAE time)

Konting tiis na lang at makakauwi na rin ako at makakapag-agahan, tanghalian at hapunan, roled into one.

Konting tiis na lang din at hindi na ako magugutom, kung magtitiis lang ako. Konting tiis na lang at mararating ko rin yun. Sana sama-sama tayo…